Mae’r Côd Ymarfer hwn ar Godi Arian trwy Gymynroddion yn amlinellu cyfres o feini prawf y dylai elusennau eu dilyn wrth godi arian trwy gymynroddion.
Diben y Côd yw gwneud yn siŵr bod codi arian trwy gymynroddion yn cael ei wneud mewn ffordd broffesiynol, gyfrifol a sensitif, gan roi’r sylw priodol i fuddiannau a chyfrinachedd y cymynnwr posibl ac ewyllys da ac enw da’r elusen.
At ddibenion y Côd hwn, diffinir codi arian trwy gymynroddion fel:
Y defnydd o unrhyw dechneg codi arian, p’un ai gan elusen neu asiantaeth allanol ar ei rhan, gyda’r bwriad o sicrhau rhodd o arian neu eiddo gan unigolyn yn ei ewyllys.
Am ddiffiniadau pellach o’r termau a ddefnyddir yn y Côd hwn gweler Atodiad 6.1.
